7 ақпан күні № 2 балалар кітапханасында Павлодар облыстық «SARYARQA SAMALY» газетінің 95 жылдығына орай «Жазуы-ерен, ойы — терең басылым» атты кездесу кеші өткізілді. Осы кездесудің құрметті қонағы ретінде газет редакциясының қызметкері Нұржайна Шодыр шақырылды. Іс-шараға 8-ші ш/а Ардагерлер кеңесінің мүшелері және зейнеткерлер қатысты. Келген қонағымыз газеттің тарихын, қазіргі жағдайын және болашақ жоспарлары жайлы әңгімелеп, қойылған сұрақтарға жауап берді. Кітапханашылар 2020-2024 жылдар аралығында шыққан «SARYARQA SAMALY» газетінің көрмесін ұйымдастырып, негізгі бөлімдері жайлы айтты. Зейнеткер апамыз Қарабек Рымды өзінің 1976-1978 жылдар аралығында ол кездегі «Қызыл Ту» газетінде корректор болып еңбек еткен естелігімен бөлісті. Естаева Сара Қапанқызы «Сары жайлау» әнімен барлығын құантты. Кездесу көңілді, пайдалы, мағыналы өтті деуге болады.
