«Музыкатанушының үлкен тұлғасы – Юрий Петрович Аравин» атты ақпараттық сағат Павлодар технологиялық колледжінің 1 курс студенттеріне өткізілді. Іс-шара барысында студенттер қазақстандық музыкатанушы, педагог, профессордың өмірі мен шығармашылығымен танысты. Сонымен қатар, алынған білімді бекіту мақсатында викторина ұйымдастырылып, «Музыка – жанның тілі» атты кітап көрмесіне шолу жасалды. Көрмеде музыка өнеріне қатысты кітаптар ұсынылды. Шара студенттердің танымын кеңейтіп, ұлттық мәдени мұраға қызығушылығын арттырды.
