24.05.2023 ж. Орталық қалалық кітапханада атақты жерлесіміз, Құркөл ауылының тумасы, ақын, әнші, композитор Иманжүсіп Құтпанұлының 160 жылдығына орай, Ақсу қаласының орталық кітапханасымен бірлесіп «Есімі тарихтан мәңгі өшпес» атты музыкалық-әдеби кеш өткізілді. Ақсу тарихи-өлкетану және музей қорындағы И.Құтпанұлының өмірбаяны мен шығармашылығы туралы ақпарат бойынша көрме ұйымдастырылды. “Иманжүсіп пен Қажымұқанның кездесуі” атты қойылым көрсетілді. Мектеп оқушыларының орындауында И.Құтпанұлының шығармашылығынан “Япырым-ау”, “Болған жастан”, “Сейфіл-Мәлік” атты өлендері оқылды. Кеш соңында колледж студенттері мен оқушыларға Павлодар қаласының орталықтандырылған кітапханалар жүйесінің басшысының міндетін атқарушы Г.Қ. Балакина алғыс хаттармен марапаттады.
