Дәстүрлі балалар кітабының апталығына орай №6 балалар кітапханасында бірнеше іс шаралар ұйымдастырылды.
Мақсаты: көрнекті қаламгер М. Әлімбаевтың шығармалары арқылы балаларға тәрбие беру. «Туған жер жырлары» атты кітаптар көрмесіжабдықталды.
Балалар әдебиетінің классигі, Халық жазушысы, Мемлекеттік сыйлықтың лауреаты жерлесіміз Мұзафар Әлімбаевтың шығармашылығына арналған «Туған жер жырлары» атты әдебиет сағаты балалар кітабы апталығының тұсауын кесті.
Шараны жүргізген кітапханашы слайдты пайдалана отырып М. Әлімбаевтың өмірбаяны мен шығармалары туралы айтты. Балалар жазушының өлеңдерін оқыды. Ақын өлеңінің желісінде қызықты көрініс көрсетті. Жазушының нақыл сөздері, мақал-мәтелдері мен жұмбақтары бойынша сайыс өткізілді. Ақынның көңілді өлеңімен сергіту сәті ұйымдастырылып, ол барлығын бір серпілтті. Оқушылар Мұрат Рахат пен Бакен Сандуғаштың орындауында ән шырқалып, би биленді.
Арнайы ұйымдастырылған кітап көрмесіне шолу жасалды. 47 бала қатысты.
