Юрий Дмитриевич Поминов

Қазақстан Республикасының Құрметті журналисі, жазушы, публицист, Қазақстан Республикасының еңбек сіңірген қайраткері, Павлодар қаласының Құрметті азаматы, Павлодар облысының Құрметті азаматы, Железин ауданының Құрметті азаматы, Қазақстан және Ресей жазушылар Одағының мүшесі, Қазақстан журналистер Одағының мүшесі.

Қазақстан Журналистер одағы Павлодар облыстық ұйымының төрағасы. Қазақстан Компартиясы облыстық комитетінің бюро мүшесі, халық депутаттары Павлодар облыстық Кеңесінің депутаты болып сайланған.
Юрий Дмитриевич 1953 жылы 22 ақпанда Ресей Федерациясы Новосибирск облысының Купинск ауданында дүниеге келген. 1955 жылдан Павлодар облысында тұрады. Железин ауданы Михайловский совхозында мектеп бітірген. Мектептен кейін Железин аудандық «Ленинское знамя» газетіне жұмысқа орналасады. 1977 жылы С.М. Киров атындағы Қазақ Мемлекеттік университетінің «Журналистика» факультетін бітірген. Университеттең соң Павлодар облыстық «Звезда Прииртышья» газетіне жұмыс істеуге келді.

Юрий Дмитриевич Павлодар облысында журналистиканың дамуына үлкен үлес қосты. 1977 жылдан Павлодар облыстық «Ертіс жыры» газетінде қызмет етеді. Алдымен тілші, бас редактордың орынбасары, кейін 1988 жылдан бастап 23 жыл бас редактор болды. 2001 жылдан бері Инновациялық Еуразия университетінде журналистика пәнінен сабақ береді. 2016 жылдан С.Торайғыров атындағы Павлодар мемлекеттік университетінің доценті. 1990-2013 жылдары «Нива» (Астана) қазақ әдеби-көркем және қоғамдық-саяси журналының редакциялық алқасының мүшесі болды.
Юрий Поминовтың мақалалары «Журналист», «Огонек», «Простор», «Нива», «Южная звезда» журналдарында жарияланып тұрды. Ол «Крупяной клин», «Помню и люблю», «Характеры», «Живу», «Мои современники», «Между прошлым и будущим», «Блёстки», «Хроника смутного времени», «Просто жизнь», «Что пройдет, то будет мило» кітаптарының авторы.

Юрий Дмитриевич – Қазақстан Журналистер одағы (1980, 2000, 2003 ж.) сыйлықтарының, «Қазақстан әдебиеті-2000» байқауының, Геннадий Толмачев атындағы сыйлықтың («Орыс тіліндегі газеттің үздік редакторы» номинациясы) бірнеше дүркін иегері. Василий Песков атындағы «Кәсібіне адалдығы үшін», «Қазақстанның үздік редакторы» (Республикалық редакторлар клубының сыйлығы) дипломдарының иегері; «Құрмет» орденімен, Қазақстан Республикасының Құрмет грамоталарымен, мерейтойлық медальдармен, «Облысқа сіңірген еңбегі үшін» төсбелгісімен, Ресей Федерациясы Журналистер одағының Новосибирск облыстық ұйымының «Отандық журналистикаға сіңірген еңбегі үшін» бірінші, екінші және үшінші дәрежелері орденімен, «Қазақстан Журналистер Одағына 50 жыл» медалімен, «Ресейдің алтын қаламы» медалімен, Ресей Жазушылар одағы басқармасының Құрмет грамотасымен, Ресей Журналистер одағының «Кәсіби қоғамдастық алдындағы қызметі үшін» құрмет белгісімен марапатталған.