15 қаңтар күні №27 ЖОББМ 4 сынып оқушылары үшін Ұлы Отан соғысына қатысушы, біздің көрнекті жерлесіміз, 20 жасында Кеңес Одағының батыры атағына ие болған, мемлекет және қоғам қайраткері М. Қайырбаевтың 100 жылдығына арналған «Жерлестердің алтын жұлдыздары» тарихи сағаты өтті. Кітапханашы Кеңес Одағының батыры Махмет Қайырбаевтың соғыс жылдарындағы ерлігі, соғыстан кейінгі өмірі мен Павлодар Ертіс өңірінің қоғамдық, әлеуметтік-экономикалық дамуындағы қызметі туралы айтып берді. М. Қайырбаевтың ерлігі туралы естелік Павлодар қаласындағы көше атауында мәңгілікке қалдырылды, ШҚО Бесқарағай ауданы Жетіжар ауылында ескерткіш тұрғызылды және Павлодар облысы Ақтоғай ауылының орталығындағы мектепке оның есімі берілді. Оның күрделі және бір мезгілде қызықты өмірі ұлы Мұрат Қайырбаев жазған «Махмет Қайырбаев» кітабында көрсетілген. 2024 жылғы қазан айында Павлодар қаласыныда тұсаукесері болған кітап Мәскеудегі «КАӨ» «Керемет адамдардың өмірі» сериясымен «Молодая гвардия» баспасында жарық көрді. Бұдан әрі кітапханашының әңгімесі «М. Қайырбаевқа 100 жыл» слайд-презентацияны көрсетумен жалғасты. «Батырлар Елі. Махмет Қайырбаев»; «Кеңес Одағының батыры М. Қайырбаевқа ескерткіш орнатылды»; «Махмет Қайырбаев» кітабының тұсаукесері бейне материалдары көрсетілді. Іс-шара соңында қатысушылар «Батыр Махмет Қайырбаев» кітап көрмесімен танысты.
