П. Васильев атындағы орталық қалалық кітапханасында «Қош келдің, әз Наурыз» мерекелік кеші өткізілді. Жүргізуші – кітапханашылар Ақмаржан Дамыс және Айгүл Екбындіқызы Журсунова келген қонақтарды Наурыз мерекесімен құттықтап,қазақ халқының салт-дәстүрлері жайлы әңгімеледі. Мерекелік кеште музыкалық балалар мектебінің ұстазы Берік Ошамбайұлы Ишамкулов «Адай» күйін орындады. Гуманитарлық колледжінің студенті Жадыра Бекболатова «Қазақ елім» әнін шырқады.Осыдан кейін музыкалық колледжінің ұстазы Жанболат Байсолтан «Нені аңсаймын» және музыкалық балалар мектебінің оқушысы Әділ Бекмұрат «Отан ана» әндерін орындады.
Құттықтау сөз технологиялық колледжінің ұстазы Майра Александровна Таукешоваға және колледж студенттеріне берілді, олар өздерінің шағын мерекелік бағдарламаларымен қатысты.Студент жастар Поспелова Маргарита, Хайрулина Роза, Толеубай Аида, Бакиева Альмираның орындауларында өлең оқылып, ән айтылып, сайыс ойындар өткізілді. Қолөнер шебері Ғалия Балтабайқызы Сұнғатова қазақ халқының ұлттық әйелдер киімдерінің өрнектері, мән-мағынасы жайлы әңгімелеп берді. Кітапхана қорындағы кітаптардан, мерзімдік басылымдардан «Наурыз – той-думан» атты кітап көрме ұйымдастырылды.
Кеш соңында мерекелік кешке белсенді қатысқандарға алғыс хаттар табыс етілді. Қатысқандар саны: 62 адам.
