2 шілдеде №7 балалар кітапханасы №28 мектептің жазғы демалыс лагеріндегілерге Астана күніне арналған ақпарат сағатын өткізді. Мақсаты: патриотизм, Отанға деген сүйіспеншілік сезімін, тарихқа, мәдениет пен ұлттық мұраға қызығушылықты тәрбиелеу.
Шараға қатысып отырғандар Астананың тарихы туралы әңгімені зейін қоя тыңдады. Әлемге әйгілі Елорданың көрікті жерлері мен әсем сәулеттік нышандары туралы балалардың білімін «Астанаға 20 жыл», «Соңғы 20 жыл ішінде Астананың дамуы» атты бейнебаян мен «Армысың, Астана!» ән бейнеклипы толықтыра түсті. Туған жер туралы викториналар мен конкурстар ұйымдастырылды. Оқушылар «Assorti» би тобынан Степаненко Милана мен Дүйсембекова Нұрсана, №16 мектеп-лицейдің өнерпаздары Корпич Милана, Мельников Олег, Шумский Демид би билеп, әндер шырқады, өлеңдер оқыды.
Іс-шараның соңында «Астана – Ұлы дала Елордасы» кітап көрмесіне шолу жасалды. 51 бала қатысты
