«Біздің жерлестеріміз – соғысқа қатысушылар» өлкетану дайджесті
03 мамыр сағат 12.00-де №33 орта мектептің жоғары сынып оқушылары үшін «Біздің жерлестеріміз – соғысқа қатысушылар» өлкетану дайджесті өткізілді, оның барысында кітапханашы Елемесова Б.Г. соғыста болған Атамекен ауылының жерлес ҰОС ардагерлері туралы айтты. Мектеп оқушылары ардагерлердің өмірбаянымен танысып, олардың қандай ерліктері үшін марапатталғанын білді. Ұлы Отан соғысы майдандарында мындаған павлодарлықтар өлмес даңққа ие болды. Олардың көпшілігі жауынгерлік ордендермен, медальдармен наградталды. Жиырма бір адамға Совет Одағының Батыры атағы берілді. Соғыс біздің халқымызға айтып болмас құрбандық пен қайғы әкелді. 21802 павлодарлық азамат майданда қаза тапты, не хабарсыз кетті. Әрбір семья бір, екі одан да көп адамынан айырылды. Біздің ауылдан 33 адам соғыста қаза тапты. Іс-шара әскери әдебиеттер мен ардагерлер туралы деректі материалдарды тамашалаумен аяқталды.
