2023 жыл 29 қыркүйекте Орталық қалалық кітапханада Халықаралық қарттар күніне орай «Ардақты асыл жандар» атты кездесу кеші өтті. Іс-шараға «Белсенді ұзақ өмір сүру орталығының» КММ мүшелері қатысты. «Музыкалық колледж — дарынды балаларға арналған музыкалық мектеп-интернат» кешенінің студенттері шақырылды. Нұргүл Ахметова мен Иван Сидорин қонақтар үшін әннен шашу шашып, құттықтады. Сондай-ақ, қонақтарға «Кинофильмнің әнін тап» байқауы өткізілді. Шара соңында жеңімпаздарға сыйлықтар табысталды. 1 қазан — Халықаралық қарттар күні. Бұл мереке барлық қарт адамдарға адал еңбегі, үлкен өмірлік тәжірибесі, мейірімділігі мен даналығы үшін терең құрмет көрсетуге және жылы лебіздерін білдіруге тамаша мүмкіндік береді. «Қарттар асыл қазынам» атты кітап көрмесі ұйымдастырылды.
