1 шілде күні №3 көпшілік кітапханасы жазғы бағдарлама аясында №33 мектеп жанындағы жазғы лагерь балаларына арналған «Жұмбақтардың кітап алаңы» атты ертегілік квест өткізді. Іс-шара барысында қатысушылар сүйікті ертегілер беттерімен қызықты да таңғажайып саяхатқа аттанды. Балалар бірнеше тақырыптық бекеттерден өтті, әр бекетте оларды ертегілер кейіпкерлері мен сюжеттеріне байланысты түрлі тапсырмалар күтті. Жұмбақтарды шешіп, ертегілер бойынша сұрақтарға жауап беріп, құпия хаттарды ашып, жасырылған заттарды тауып, шығармашылық тапсырмаларды орындады. Халық және авторлық ертегілерге арналған тапсырмалар балалардың ерекше қызығушылығын тудырды. Олар белсенді түрде сұхбатқа қатысып, оқиғаларды еске түсіріп, өздерінің сүйікті ертегілерімен бөлісті.
