9 желтоқсан күні «Қазтұтынуодағы Павлодар жоғары экономикалық колледжі» білім беру мекемесінің 1-2 курс студенттеріне қазақ поэзиясының падишасы, мемлекет және қоғам қайраткері, журналист, қазақтың ақын қызы – Фариза Оңғарсынованың 85 жылдығына арналған «Поэзия падишасы – Фариза» атты поэзия сағаты өткізілді. Жүргізуші оқушыларға Ф.Оңғарсынованың өмірі туралы, оның поэзияға келу жолы туралы әңгімеледі. Шарада дарынды ақынның көп қырлы шығармашылығы туралы сөз болып, қатысқан оқушылар ақынның жыр жинағынан ақын өлеңдерін сүйіспеншілік пен нақышына келтіре мәнерлеп оқыды. Фаризаның ақындық өнерін ерекше бағалаған Мұқағали Мақатаевтың сөзіне жазылған «Фариза, Фаризажан, Фариза қыз» атты әнімен бірге ақынның сөзені жазылған «Жайықтың толқындары» әні тыңдалды. «Жыр жұлдызы-Фариза» тақырыбында бейнебаян көпшілік назарына ұсынылып, «Поэзия падишасы – Фариза» атты кітап көрмесіне шолу жасалынды.
