Отан қорғаушылар күні қарсаңында 5 сынып оқушыларына «Отан қорғаушылар» патриоттық сағаты өткізілді. Шара Қазақстан Республикасының әнұранын орындаумен басталды. Жүргізуші-кітапханашылар балаларды келе жатқан мерекемен құттықтады, мерекенің тарихы туралы, Қазақстан Республикасының Қарулы Күштері туралы әңгімеледі. Болашақ Отан қорғаушылар «Мергендер», «Барлаушылар», «Байланысшы», «Аспаз», «Стратег» т.б сайыстарға белсене қатысып, викториналық сұрақтар мен жұмбақтарға жауап берді. Шара соңында қыздар ұлдарға әскери шыдамдылық, офицерлік жинақылық, генералдікіндей баға және бүкіл әлемдегі бейбітшілік тілеп, құттықтау өлеңдерін оқыды.
