Мекен жайы: Суворов к., 2
Байланыс телефоны: 54‒93‒04
Кітапхана тарихы:
А. Гайдар ат. балалар кітапханасы 1964 жылдың 14 қарашасында ашылды. Алғашқы кезде кітапхана академик Ә.Марғұлан көш., 136 мекенжайы бойынша кірпіштен салынған кішкентай үйде орналасқан болатын. Бар-жоғы үш кішкентай бөлмеде орналасқан еді. Кітапхананың алғашқы күндеріндегі жұмысынан бастап-ақшағын аудан тұрғындарының беделіне ие болды. Оның тұрақты оқырмандары № 7, 8, 11 мектеп оқушылары болды.
1967 жылдан бастап, «Аврора» кинотеатрының ашылған жылы, кітапхананың барлық ірі іс-шаралары мектеп педагогтарымен бірге әзірленіп, кинотеатр сахнасында өтетін еді. Ал іс-шаралар әртүрлі болды. Олар: Бүкілодақтық Балалар кітабы мен музыкасының апталық күндері, жазушылар мерейтойлары, түрлі ертеңгіліктер, ауызша журналдар, кітап беру шаралары болатын.
Көптеген іс-шаралар 800 орындық «Аврора» кинотеатрында өтетін, оған шағын аудан мен қаланың түкпір-түкпірінен барлық бірінші сынып оқушылары шақырылатын. Бұдан кейін балалар кітапханаға жиі келетін және кітапхана қабырғасында оқырмандарды қабылдау салтанатты шаралары өтетін.
1979 жылы Халықаралық балалар жылында кітапхана Бектұров көшесі 115 (бұрынғы Фрунзе көшесі) бойынша жаңа орынжайға ие болды және сонымен бір мезгілде орталық балалар кітапханасы мәртебесіне ие болды. Осы уақыттан бастап кітапхана барлық балалар кітапханалары мен жүйелік балаларға қызмет көрсететін кітапханаларға, сондай-ақ мектеп кітапханаларына арналған әдістемелік орталық болды.
35 жыл, 1966 жыл мен 2002 жыл аралығында кітапхананы Екатерина Ивановна Гришина басқарды. Жоғары дәрежелі маман Екатерина Ивановна бар ғұмырын сүйіктіісіне — оқырман мен кітапқа арнады. Ол бірнеше буын ұрпақты кітап оқуға тәрбиеледі. Ал бірнеше буын кітапханашылар үшін ол дана ұстаз әрі мейірімді ақылшыға айналды. Екатерина Ивановнаның білімі жаңа кітапханашы мамандардық алыптастыру да жақсы негіз болды.
Е.И.Гришина жетекшілік еткен жылдары бірнеше рет дипломдармен, құрмет грамоталарымен, КСРО Мәдениет министрлігінің жеңімпаздар сыйлығымен марапатталды. Екатерина Ивановна «За освоение целинных и залежных земель», «Ветеран труда» медальдарымен; КСРО Мәдениет министрлігінің «За отличную работу» төсбелгісіменмарапатталғанеді. Сондай-ақоныңесімі«Облыстықкомитетініңмәдениетқызметкерлерініңқұрметкітабына»жәнеорталықтандырылған кітапханалар жүйесі кітабына жазылған.
Екатерина Ивановна Гришинаның бүкіл өмірі Қоғамдық қызметпен тығыз байланысты болды. Ол-кітапхананың шағын ауданында тұрғылықты жері бойынша балалармен жұмыс жөніндегі кеңес құрудың бастамашысы болды. Ұзақ уақыт бойы оның төрағасы болды, содан кейін «Аврора» кинотеатрында балалармен жұмыс жасау бөлімін басқарды. Қазақстанның мәдениет және ағарту министрлігі бұл тәжірибені мақұлдады. Екатерина Ивановна бір жылданастам қалалық мәдениет бөлімінің партия ұйымының хатшысы, индустриялық аудандық атқару комитетінің кәмелетке толмағандардың істері жөніндегі комиссиясының мүшесі болды.
Көптеген кітапханашылар осы кітапханадан еңбек жолдарын бастап, қазіргі таңда кітапхана ісінің түрлі салаларында жемісті еңбек етіп жүр. Атап айтсақ, олар: Л.Н. Дрилева, Г.А. Байкенова, А. Балтабаева, Т.В. Супрунова, Н. Геринг, В. А. Журавлева, Т.П. Елисеева, Н.И. Пихлик, Л.А. Семёнова, Н.Д. Бекова, А.К. Бораналинова, Т.А. Макаренко, Л.А. Сивак, М. Таженова мен басқалары.
Жазушы Бердібек Соқпақбаев, Яков Аким, Андрей Жариков, «Дружные ребята» газетінің қызметкері Генриетта Кан, ақындар Мүбәрак Жаманбалинов, Ольга Григорьева, белгілі өлкетанушы Эрнест Соколкин, Дмитрий Приймак, Бекболат Хазыров, мәскеулік композитор Жанна Колмогорова және т.б. жазушылар әр жылдары кітапхана қонақтары болды.
Мәдениет бөлімінің 2019 жылғы 13 қарашадағы №112 бұйрығы негізінде Орталық балалар кітапханасына ақын, жазушы, Қазақстан Жазушылар Одағының мүшесі Жаманбалинов Мүбарак Кәрімұлының есімі берілді.
Қазіргі уақытта кітапхана Малайсары батыр 2 көшесінде орналасқан, кітапханада коворкинг залы, абонемент және кіші оқу залы бар. Кітапхана қаламыздағы № 1, 5, 19, 27 мектептер; № 85, 96, 112 балабақшалар және т.б.; ПКТиК және бизнес – колледжлеріне қызмет көрсетеді.
Кітапхана 4 жоба бойынша жұмыс істейді, қызметтің негізгі бағыттары: «Кітап көмекке асығады»,«Адамға жылуымен және мейріммен қарау», «Оқу қуанышын сезін!», «Ертіс өңірінің киелі жерлері» жобалары.
«Кітап көмекке асығады» жобасы
Мақсаты: кітапхана-ақпараттық ресурстарға қол жеткізу арқылы мүгедектердің әлеуметтік-психологиялық бейімделуіне ықпал ету.
Міндеттер:
— осы санаттағы пайдаланушылардың барлық жас топтарына кітапхананы пайдалануға тең қолжетімділікті қамтамасыз ету;
— мүгедекке ақпараттың барынша жақындауы;
— кітапханада қолайлы психологиялық атмосфера құру;
— бұқаралық іс-шаралар өткізу.
Серіктестер: «Альрами» үйі, РЦ «Самал»
«Адамға жылуымен және мейріммен қарау» жобасы
Мақсаты: қоғамда әлеуметтік-психологиялық бейімделуге, әлеуметтік-мәдени оңалтуға, шығармашылық мүмкіндіктерді дамытуға және өмір тіршілігінде шектеулері бар адамдардың жеке басын және халықтың әлеуметтік қорғалмаған топтарын мемлекеттік мерекелерді популилизациялау, кітапқа және оқуға тарту жолымен өз бетінше бекітуге жәрдемдесу.
Міндеттер:
1.Азаматтардың барлық санаттары үшін мәдени қызмет пен ақпараттық ресурстардың қолжетімділігін қамтамасыз ету, олардың ақпаратқа еркін қол жеткізу құқықтарын іске асыру.
2.Азаматтардың осы санатының ақпараттық қажеттіліктерін толық және жедел қанағаттандыруды қамтамасыз ету.
3.Азаматтардың осы санатының өмірінде әлеуметтік-мәдени саланы жақсартуға бағытталған ағартушылық және бос уақыт қызметін ұйымдастыру.
4.Қызмет көрсету кезінде жаңа ақпараттық технологиялар мен қазіргі заманғы техникалық құралдарды пайдалану.
Серіктестер: Павлодар облысының қарттар мен мүгедектерге арналған жалпы үлгідегі медициналық –әлеуметтік мекемесінде тұратын адамдар.
«Оқу қуанышын сезін!» жобасы
Жобаның мақсаты:
— мектепалды жасындағы балаларды оқуға тарту;
— балалар жазушылары мен ақындарының (әлемдік және қазақ) шығармашылығын насихаттау
Санаты: балабақшаның мектепалды тобы
«Ертіс өңірінің киелі жерлері» жобасы
Жобаның мақсаты:
— жас ұрпақты рухани тәрбиелеу
Санаты: Біздің кітапханамыз осы шағын ауданның 5-6 сынып оқушыларықызмет көрсетеді.
Штатта 12 қызметкер бар, оның ішінде 9 кітапханашы және 3 техникалық қызметкер.
Кітапхана меңгерушісі:Магзумова Айнагуль Ромазановна
