Облыстық «Кешкі кітапхана» жобасы аясында №43 орта мектеп мұғалімі С.А. Оразбаевамен бірлесіп, 7 сынып оқушылары үшін Қазақстан халықтарының Тілдер күніне арналған «Менің тілім – менің мақтанышым» атты әдеби сағат өткізді. Кітапханашылар 5 қыркүйекте, қазақ ағартушысы, педагог, лингвист-ғалым, қоғам қайраткері Ахмет Байтұрсыновтың туған күнінде атап өтілетін мереке туралы айтып берді. Қазақстан-бейбітшілік пен келісімде 100-ден астам ұлт өмір сүретін үлкен көпұлтты мемлекет. Ана тілін, өз мәдениетін үйренуге барлық жағдай жасалған. Ана тілі-халықтың ғасырлар бойғы тарихы. Жүргізушілер 7 сынып оқушылары Сова В. және Якусевич А.ана тілінің рөлі мен маңыздылығы туралы айтты. Оқушылар ана тілінің ұлылығы туралы өлеңдер оқыды, Отан, тіл, достық тақырыбына байланысты мақалдарды естеріне түсірді, үш тілде жауап беріп жұмбақтар шешті, ағылшын тілінде шағын диалог жүргізді, Қазақстан тарихы бойынша «Бәйге» викторинасына қатысты. Қазақстан туралы қазақ, орыс, ағылшын тілдеріндегі кітаптар, сөздіктер, ертегілер, мақал-мәтелдер көрсетілген «Халықтың қазынасы — тіл» кітап көрмесіне шолу жасалды.
