28 сәуір күні Павлодар қ. Ә. Бөкейхан атындағы мектеп-лицейінің кітапханасында 8 «б» сынып оқушыларына, Алаш қозғалысының қайраткері, ақын, қазақ әдебиетінің жарық жұлдызы М. Жұмабаевтың 130 жылдығына арналған «Мен жастарға сенемін» атты әдеби кеші өткізілді. Іс-шара барысында оқушылар Мағжан туралы жазылған Ұлылардың ұлағатты сөздерімен, ақынның «Сағындым», «Түркістан», «Мен жастарға сенемін» атты жыр шумақтарымен бөлісті. Мағжан Жұмабаевтың өмір жолы мен шығармашылығынан сұрақтар қойылып, кітап көрмесі ұйымдастырылды.
