17 қаңтар күні №2 балалар кітапханасының қызметкерлері облыстық «Кешкі кітапхана» жобасы аясында, «Көшпенділер», «Алтын Орда», «Айқас», «Қатерлі өткел» шығармалардың авторы, ҚР Мемлекеттік сыйлығының иегері, танымал қазақ жазушысы Ілияс Есенберлиннің 110 жылдығына арнап «Халқының тарихи санасын оятқан жазушы» атты әдеби-тарихи кеш өткізді. Іс-шараға №25 ЖОББМ 5 «Е» сынып оқушылары қатысты. Кітапханашы кіріспе әңгімесінде жазушы қазақ әдебиетінің көркем прозасына мол үлесін қосқандығын айтып өтті. Өзінің тарихи романдарымен, әсіресе, қазақ мемлекеттігінің тарихына арналған «Көшпенділер» тарихи трилогиясы арқылы танымал болғандығын әңгімеледі. Қилы қүрделі кезеңді баяндаған, 15 пен 19 ғасырдың ортасына дейінгі қазақ халқының тарихын суреттеген эпикалық жан-жақты шығарма екенін түсіндірді. Аттас кітап көрмесі бойынша «Көшпенділер өркениетінің білгіші» әдебиеттік шолу жасалды. Балалар «Ұлт Мақтанышы» деректі фильмді тамашалады. Кештің соңында кішігірім сұрақ-жауап ойыны өткізілді.
