19 тамыз күні №3 көпшілік кітапханада жазушы, журналист Қалмұқан Исабаевтың 100 жылдығына арналған «Ғибратты ғұмыр иесі — Қалмұқан Исабаев» атты әдеби кеш өтті. Іс-шара барысында қаламгердің өмірі мен шығармашылығы туралы кеңінен айтылып, оқырмандар оның еңбектерімен танысты. Қатысушылар жазушының отансүйгіштік, адамгершілік тақырыптардағы шығармаларына жоғары баға берді. «Тарих. Тағдыр. Тұлға.» кітап көрмесі ұйымдастырылып, Қалмұқан Исабаевтың еңбектері көпшілік назарына ұсынылды.
