11.10.24. №43 орта мектептің 9-сынып оқушыларына археолог, ғалым, этнограф Әлкей Хақанұлы Марғұланның 120 жылдығына арналған «Дара тұлға» атты тәрбие сағаты өткізілді. Оқушылар Қазақстан ғылымына орасан зор үлес қосқан адамның сан қырлы таланты туралы білді. Ә.Марғұлан 30 жылын археологиялық экспедицияларда өткізді. Ол өз халқының тарихы мен мәдениетін зерттеп, қола дәуірінің өзінде қазақ даласында өндіріс, қолөнершілер қонысы, шаруашылықтың іргетасы, т.б. болғанын дәлелдей алды. Оқырмандар «Елдің тұңғыш археологы» тест-викторинасына қатысып, Қазақстан тарихы бойынша викториналық сұрақтарға жауап берді. Тақырыптық сөреге Ә.Марғұлан туралы газет мақалалары, ұсынылатын әдебиеттер тізімі және кітаптар қойылды.
