7 тамыз күні Павлодар ауылының көпшілік кітапханасының және Р. Бағланова мәдениет үйінің қызметкерлері Абай күніне орай және «Ашық аспан астындағы кітапхана» жобасы аясында «Дана халықтың дара Абайы» поэзия күнін откізді. Поэзия күніне ауыл тұрғындары шақырылды. Ардагерлер кеңесі құрметті қонақтар болды. Қонақтар назарларына Абайдың әні «Көзімнің қарасы» орындалды, «Қара сөздері» және өлеңдері оқылды. «Қыздар» биін «Пируэт» хореографиялық би ансамблі биледі. Барлық қатысушыларға кішігірім сыйлықтар табысталды.
