2 тамыз күні Орталық қалалық кітапханасы мен М. Жаманбалинов атындағы орталық балалар кітапханасының ұйымдастыруымен «Ашық аспан астындағы кітапхана» жобасы аясында №18,33 бөбекжай-балабақшаларының балалары үшін «Біздің аула ойындары» спорттық ойындар сайысы өткізілді. Ойындар мен жарыстар балалардың жас ерекшеліктерін ескере отырып таңдалды. Балалар «Кім жылдам?», «Епті де, жүйрік» сайысы, «Кім шапшаң», «Кедергілер», «Допты домалатамыз» эстафетасы т. б ойындарда бақ сынасты. Шара соңында балалар «Спорт – біздің досымыз» кітап-көрмесін тамашалап, музыкалық әуенмен сергіту жаттығуларын жасалды. Сайысқа балалар өте белсене қатысып, бар күштерін салып, спортты серік ететіндеріне сеніп, жақсы көңіл күймен тарқасты. Жарыс соңында командалар мақтау қағаздарымен және тәтті сыйлықтармен марапатталды.
