2025 ж. 19 ақпанда «Жыл — он екі ай оқы» жобасы аясында 3-сыныптың сынып жетекшісі И. Н.Садоваямен бірлесіп ақын, қоғам қайраткері Людмила Бевзбен «Балаларға арналған кітаптар» атты кездесу өткізілді. Іс-шара кітап көрмесіне шолу жасаудан басталды. Павлодар Ертіс өңіріндегі балалар ақындарының есімдері көпшілікке белгілі. Бұлар М. Жаманбалинов, М.Әлімбаев, С. Баязитов, О. Григорьева, Е. Игнатовская, Л. Бевз. Людмила Николаевна Бевз 10 жылдан астам уақыт бойы балаларға арнап өлең жазады. Іс-шарада балалар қонағымыздың өмірбаянымен танысты, ал Людмила Николаевна өлеңдердің қалай жазылғанын, оның өлеңдерінің кейіпкерлері кім екенін айтты. 3 сынып оқушылары Л.Бевздің «Бедурашка», «Сережа», «Гимнастика», «Преданный друг» тамаша өлеңдерін оқыды. Оның өлеңдері өте жарқын және әсерлі. Балалар кітаптарының авторы Людмила Николаевна балалардың аузынан өз өлеңдерін тыңдауға қуанышты болды, ал оқушыларға балалар мен жануарлардың өміріндегі қысқа әңгімелер қызықты болды. Әсіресе, балаларымызға «Куда пропало солнышко?» ертегісі ұнады.Балалар ақынға тосын сый жасап, осы ертегіні сахналады. Людмила Бевз барлық қатысушыларға керемет сыйлық жасады-бұл оның әпкесі Курносова Светлана жазған шағын әліппе, ал кітапхана ұжымына «Солнечный лучик» атты ертегілер жинағын сыйға тартты. Кітапханашылар іс-шараға Л.Бевздің «Қазақ тілін үйренемін» оқу кітабынан алынған «Айлар-месяцы» өлеңімен бетбелгілер дайындап, балаларға сыйлады. Кездесу жылы, ақкөңіл жағдайда өтіп, «Дорогою добра» әнін орындаумен аяқталды.
