КСРО және Қазақстанның Халық әртісі, КСРО Мемлекеттік сыйлығының лауреаты, Социалистік Еңбек ері, Алматы қаласы мен Абай облысының, Астананың құрметті азаматы, Құрманғазы атындағы қазақ ұлттық консерваториясының профессоры Бибігүл Төлегенованың 95 жылдығына арналған «Ән бұлбұлы» атты өнер сағаты өткізілді. Іс-шараға «М. Әуезов атындағы жалпы білім беретін мектеп» ММ 6 «А» сынып оқушылары қатысты. Осы уақыт аралығында әншінің өмірбаяны, қызметі және шығармашылығы туралы толық мәлімет берілді, қатысушыларға бейнеролик көрсетілді. Сондай-ақ, Бибігүл Төлегенова туралы кітаптар қойылған кітап көрмесі ұйымдастырылып, оған шолу жасалды. Бибігүл Төлегенова 95 жылдық ғұмырында көптеген ұрпаққа шабыт беріп, олардың рухани әлемін байытты. Оның өнері мен дауысының құдіреті қазақ мәдениетінің әлемдік сахнада биік тұғырға көтерілуіне үлкен үлес қосты. Әншінің есімі болашақ ұрпақтың жарқын жолын ашатын шамшырақ болары анық.
