28 қазан күні Орталық балалар кітапханасында «Павлодар облысының туберкулезге қарсы балалар шипажайы» КМҚК балаларына арнап «Кірқоймастың достары – бізге де дос» атты ойын-сайыс бағдарламасы өткізілді.
«Қошақаным» әнінің сүйемелдеумен жүргізушілер «Кірқоймас» ертегісіндегі Кірқоймас, дәрігер, кірқожалақ бала Жомарттың кейіпкерлерінің киімдерін киіп театрландырылған қойылым көрсетілді. Балаларға тазалық гигиенасы ережесі туралы әңгімеленді. Кірқожалақ Жомарт өзінің рөлімен және түрімен балаларды күлдіріп, көңілдерін көтерді. «Денсаулық-зор байлық» бейнеролик көрсетілді. Ойынға қатысушылар «Денсаулық», «Шымыр» деген екі топқа бөлініп, өз ұрандарын айтып, белсенді түрде ойынды жалғастырды.
«Тазалық заттарын табу» бөлімінде оқушылар корзинадан тазалық заттарын іздеп, тауып, таныстырды. Келесі «Мақал-мәтелдер» бөлімінде тазалыққа, денсаулыққа байланысты мақал-мәтелдер жалғасын тапты. «Адасқан әріптер» бөлімінде жеміс-жидектер атауларын дұрыс жазу. «Жарнама» сайысында екі топтың басшылары шығып берілген карточкалардағы суреттер арқылы оларды жарнамалап, өз ойларын айтты. «Жұмбақтар» және «Сөзжұмбақтар» сайыстарында тазалық туралы жұмбақтарды шешті. К. Чуковскийдің «Мойдодыр» шығармасы бойынша мультфильм көрсетіліп, «Иә» және «Жоқ» ойындарын ойнады. Ойынға балалар белсене қатысып, өз білімдерін көрсетті.
«Тазалық-таза баланың досы» атты суретті кітап көрмесі ұйымдастырылып, шолу жасалды.
Шара соңында балалар кітпаханашыларға тазалық ережелерін дұрыс сақтаймыз деп уәделерін беріп, рахметтерін айтты.
