№3 көпшілік кітапханасында «Бір ел – бір кітап» республикалық акциясы аясында «Өз заманының жазушылары» атты ауызша журнал ұйымдастырылды. Іс-шарада қазақ әдебиетінің көрнекті өкілдері — Тәкен Әлімқұлов пен Жұмекен Нәжмеденовтің өмірі мен шығармашылығы кеңінен таныстырылды. Қатысушылар жазушылардың әдеби мұрасын талқылап, олардың шығармаларынан үзінділер оқып, терең мазмұнға толы ойлармен бөлісті. Кездесу жастардың әдебиетке деген қызығушылығын арттырып, ұлттық рухани құндылықтарды дәріптеуге ықпал етті.
