№4 көпшілік кітапхана қызметкерлерінің ұйымдастыруымен №18 мектеп ауласында өткен «Спорт – денсаулық кепілі» атты тәрбие сағаты аясында ересектер мен балалар үшін бірдей маңызды тақырыптар қозғалды. Шара барысында қатысушыларға жүйелі түрде дене белсенділігімен айналысу – денсаулықты сақтаудың негізгі алғышарты екені ерекше атап өтілді. Тіпті күнделікті жасалатын шағын жаттығулардың өзі өмір сапасына оң әсер ететіні және оның ұзақтығын арттыратыны түсіндірілді.
Спорт тек физикалық денсаулықты нығайтудың құралы ретінде емес, сонымен қатар өзін-өзі танытуға, жеке мақсаттарға жетуге мүмкіндік беретін алаң ретінде де қарастырылды.
Іс-шара аясында «Спорт – денсаулық кепілі» атты кітап көрмесі ұйымдастырылып, онда салауатты өмір салтын насихаттайтын материалдар ұсынылды.
Белсенді өмір салтына арналған бұл шараға 20 адам қатысты.
