2025 жылғы 30 қаңтарда №3 көпшілік кітапханасында бастауыш сынып оқушыларына арналған «Кітап сөрелерімен таныстыру» экскурсиясы өтті. Экскурсияны кітапханашы Асылханова Б.И. жүргізді. Іс-шара барысында балалар кітапханамен танысып, кітаптар мен оқу залын пайдалану ережелері туралы білді. Кітапханашы кітаптарды ұқыпты ұстау, балалар әдебиетін, энциклопедияларды және ертегілерді қайдан табуға болатыны жайлы әңгімеледі. Балалар қызығушылықпен тыңдап, кітап сөрелерін қарап, сұрақтар қойды. Экскурсия жас оқырмандарға кітапхананы жақынырақ танып, кітап әлемінде бағыт-бағдар алуға көмектесті.
