6 қаңтар күні сағат 14-00-де М. Жаманбалинов атындағы орталық балалар кітапханасында қысқы каникул кезінде № 1 мектептің 2 сынып оқушылары үшін «Көңілді қыс» ойын-сайыс бағдарламасы өткізілді. Шараның мақсаты қыс мезгілі туралы түсініктерін кеңейту, ойындарды ойнай отырып, спортқа қызығушылығын арттыру, салауатты өмір сүруге тәрбиелеу, шапшаңдыққа, ептілікке баулу. Шара барысында қыс мезгілі туралы көптеген мағлұмат берілді, қыс туралы жұмбақтар шешіліп, жаңылтпаштар айтылып, жаңа жыл туралы оқушылар ән шырқап, би биледі. Содан соң балалар арасында көңілді старттар ойыны өткізілді. Балалар ойынға белсенді қатысып көңіл күйлерін көтерді.
