17 және 18 сәуірде №10 көпшілік кітапханасында №53 балабақшаның тәрбиеленушілерімен «Бөбек пен кітапша» пилоттық жобасының аясында ертегілерге арналған шара өткізілді.
Шара кітап оқу туралы музыкалық бейнебаянмен ашылып, оны жүргізген кітапханашы Ирина Васильевна Абрамова кітапханадағы кітаптардың түрлері, онда қандай ақпарат бар екендігі, оларды қалай пайдалану керектігі туралы әңгімеледі. Балалардың көбі оқи біледі екен.
Бұдан кейін қызықты викториналар, конкурстар, жұмбақтар шешу, кітапхана ішіне экскурсия ұйымдастырылды. Сәбилер көрме-инсталляцияны тамашалады, 3D форматындағы кітаптарды, әсем безендірілген журналдарды қуана аударыстырып, тамашалады.
Балалар кетерінде ата-аналарымен кітапханаға келетіндерін айтты. Осы «Бөбек пен кітапша» жобасы да кітапханаға барлық жастағы оқырмандарды тарту үшін ойластырылып, ашылған болатын. Енді осыдан былай кітапханада кітап оқудан басқа үстел ойындарын ойнауға, сурет салуға, қызықты мультфильмдер көруге болатынын біледі. Шараға 107 адам қатысты.
